الأحداث الخمسة — Scrum Events
الدرس الرابع من دورة أساسيات Scrum: الأحداث الخمسة — الـ Sprint، Sprint Planning، Daily Scrum، Sprint Review، و Sprint Retrospective — مع الصناديق الزمنية وهدف كل حدث وأشهر الأخطاء.
قبل ما تبدأ
- الدرس الثالث: الأدوار في Scrum
- ما بتحتاج أي خلفية برمجية
الخلاصة بنقاط
- الأحداث الخمسة كلها فرص تفتيش وتكيّف — إلغاء أي واحد معناه خسارة فرصة شفافية
- الـ Sprint هو الحاوية: مدته شهر أو أقل، ثابتة، والجديد بيبدأ فوراً بعد القديم
- الصناديق الزمنية لـ Sprint شهر: تخطيط 8 ساعات، Daily Scrum 15 دقيقة، Sprint Review 4 ساعات، Retrospective 3 ساعات
- Sprint Planning بيجاوب 3 أسئلة: ليش (Sprint Goal)، شو (عناصر الـ Backlog)، وكيف (الخطة)
- الـ Daily Scrum للفريق مش تقرير للمدير، والـ Sprint Review جلسة شغل مع أصحاب المصلحة مش عرض تقديمي
هذا الدرس بيغطّي الأحداث الخمسة في Scrum. الشرح بالفيديو، وهذا ملخّص سريع.
الصناديق الزمنية (لـ Sprint مدته شهر)
| الحدث | الصندوق الزمني | الهدف |
|---|---|---|
| Sprint | شهر أو أقل | حاوية لكل الشغل والأحداث |
| Sprint Planning | 8 ساعات | ليش / شو / كيف |
| Daily Scrum | 15 دقيقة | تفتيش التقدّم نحو Sprint Goal وتعديل الخطة |
| Sprint Review | 4 ساعات | تفتيش الـ Increment مع أصحاب المصلحة |
| Sprint Retrospective | 3 ساعات | تحسين طريقة الشغل |
Sprint أقصر ← صناديق أقصر بالتناسب، إلا الـ Daily Scrum: بيضل 15 دقيقة.
الـ Sprint
مدته ثابتة، والجديد يبدأ فوراً بعد انتهاء القديم. ما بيصير أي تغيير يهدّد Sprint Goal، بس نطاق الشغل ممكن يتفاوض عليه مع الـ PO. الـ PO وحده يقدر يلغي الـ Sprint.
Sprint Planning
بيجاوب: ليش هذا الـ Sprint مهم (Sprint Goal)، شو رح ينجز من الـ Backlog، وكيف رح يتنفّذ — والخطة للفريق يبنيها هو.
Daily Scrum
15 دقيقة، نفس الوقت والمكان، للفريق (Developers) — تفتيش وتعديل خطة اليوم، مش تقرير حالة للمدير.
Sprint Review
جلسة شغل مع أصحاب المصلحة: نعرض الـ Increment، ناخذ تغذية راجعة، ونعدّل الـ Product Backlog. مش عرض تقديمي.
Sprint Retrospective
آخر حدث بالـ Sprint: نفتّش الأشخاص والتفاعلات والعملية والأدوات و Definition of Done، ونطلع بتحسينات قابلة للتنفيذ.
بالدرس الجاي: المخرجات الثلاثة — Scrum Artifacts.
قيّم أحداث الـ Sprint عند فريقك
- اكتب مدة الـ Sprint عندك واحسب الصندوق الزمني الصح لكل حدث بالتناسب
- احضر الـ Daily Scrum وسجّل: كم دقيقة أخذ، ومين كان بيحكي، ومين كان بيسمع
- راجع آخر Sprint Review: هل تغيّر الـ Backlog بعده؟ إذا لأ، فكان عرض مش تفتيش
- اكتب 3 بنود خرجت من آخر Retrospective، وحدّد وين وصلوا اليوم
- حدّد Sprint Goal لآخر Sprint — إذا ما لقيت هدف، هذي أوّل مشكلة
- اكتب وين بيدخل شغل الاختبار بكل حدث من الخمسة
اكشف الحل
- Sprint أسبوعين ← تخطيط 4 ساعات، Sprint Review ساعتين، Retrospective ساعة ونص، والـ Daily Scrum بيضل 15 دقيقة
- الـ Daily Scrum الصح: الفريق بيحكي مع بعضه عن التقدّم نحو Sprint Goal وشو معوّق — بنفس الوقت والمكان كل يوم
- الـ Sprint Review الصح بيطلع منه تعديل على الـ Backlog وقرارات — إذا ما تغيّر شي فما صار تفتيش
- بنود الـ Retrospective لازم تنزل بالـ Sprint الجاي وأهمها يدخل Sprint Backlog — بند بلا مالك ولا موعد بينسى
- Sprint بلا هدف = مجموعة Tickets، وبلا هدف واضح ما بتقدر تقرّر «نكمل ولا نغيّر»
- الاختبار: بالتخطيط تقدير و DoD، بالـ Daily Scrum كشف معوّقات بدري، بالـ Sprint Review Increment مختبر، وبالـ Retrospective تحسين طريقة الاختبار
شاهد 90% من الفيديو حتى ينحسب هذا الدرس مكتمل.
النقاش 🔻