التكامل والتسليم المستمر
CI/CD — Continuous Integration / Continuous Delivery
دمج الكود وبناؤه واختباره آلياً مع كل تعديل، بدل ما يتجمّع للآخر.
CI يعني كل مرة يرفع مطوّر كود، يصير بناء آلي وتشغيل اختبارات آلياً. وCD يعني إنه البناء اللي عدّى بيصير جاهز للنشر بضغطة.
وهون بيصير لأتمتة الاختبار معنى حقيقي: سكربت بيشتغل مرة بالشهر على جهازك ما بيسوى إشي. نفس السكربت بيشتغل مع كل رفع كود بيمسك الانكسار خلال دقايق من حدوثه — وقت ما يكون المطوّر لسا فاهم شو عدّل.
التقسيم العملي: مجموعة Smoke سريعة مع كل رفع، وRegression كاملة بالليل. ولو صارت الاختبارات بطيئة أو متذبذبة، الفريق بيبطّل يثق فيها ويتجاهل الأحمر — وهاد موت الأتمتة. عشان هيك هرم الاختبار مهم هون بالذات.